Arijanet Muric drejt huazimit në Superligën e Turqisë

11:52 | 29 Korrik 2021
A. B.

Arijanet Muric pritet të luajë në Superligën e Turqisë në edicionin e ri.

Adana Demirspor është skuadra e promovuar në elitën e futbollit turk, e cila pritet ta zyrtarizojë arritjen e marrëveshjes me gardianin kosovar.

Muric pritet të jetë pjesë e Demirspor në formë huazimi për një edicion nga gjiganti anglez Manchester City.

Para pak kohësh kjo skuadër kompletoi edhe transferimin e sulmuesit Mario Balotelli, lajm i cili bëri jehonë të madhe në media.

Për Muric pritet të jetë një tjetër huazim, pasi gjashtë muajt e fundit i kaloi në Eredivisie tek skuadra Willem II.

Sipas mediave turke marrëveshja mes palëve është arritur derisa gjatë kësaj jave pritet të bëhet zyrtarizimi.

Për reprezentuesin kosovar ky pritet të jetë huazimi i pestë nga Manchester City, pasi më parë kishte mbrojtur edhe te NAC Breda, Nottingham Forest, Girona dhe së fundmi Willem II. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm